• सामान्यत दैनिक कारोवारका सिलशिलामा अन्य व्यक्ति तथा संस्थाहरुलाई सदस्यहरुले दिनुभएको चेक भुक्तानीको (रु. ९,९९,९९९।– सम्म) यसै संस्थाको काउन्टरमा आएर जो कसैले पनि आफ्नो रकम भुक्तानी लिन सक्नुहुनेछ ।
• यदि कोही सदस्यलाई अन्य बैंक भुक्तानी नै गुर्नछ भने संस्थाले सदस्यको बचत खातामा भएको रकमसम्मको निजको नाममा वा तोकिएको व्यक्तिको नाममा बैंक चेक बनाई दिने व्यवस्था रहेको छ ।

यस संस्थाको शेयर खरिद गरी नियमित बचत गरेको खण्डमा पाइने फाइदाहरु निम्न बमोजिम छन् ः

• बचत तथा ऋण कारोबार गर्दा उच्च प्राथमिकता पाइने
• घट्दो व्याजदरमा ऋण कारोबार हुने 
• रु. २,००,००० सम्मको दुर्घटना विमा हुने
• प्रत्येक बर्ष शेयर लगानीको उचित लाभाशं पाइने 
• बचत तथा ऋणको व्याजदर उचित तथा परिवर्तन भई नरहने
• संस्थाले गर्ने अन्य कृयाकलापहरुमा सहभागी गराइने

संस्थासँग ऋण कारोबार गर्न निम्न कुराहरु पुरा गरेको हुनु पर्नेछ :

• सक्रिय शेयर सदस्य हुनुपर्ने 
• संस्थाको सदस्यता लिएको र नियमित बचत गरेको ३ महिना पुगेको हुनुपर्ने 
• संस्थालाई चित्त बुझ्दो कारोबार देखिएको हुनु पर्नेछ 
• ऋण रकम धितोमा वा बिनाधितोमा लिने हो सो प्रष्ट हुनुपर्नेछ 
• बिना धितो भए अर्को सक्रिय शेयर सदस्यले धन–जमानीको साक्षी बस्नु पर्ने
• ऋण लिनुको प्रयोजन प्रष्ट गरी, आवश्यक कागजातहरु संलग्न राखी संस्थामा सम्पर्क गरी ऋण आवश्यकताको निवेदन दिनु पर्नेछ 

संस्थामा आफ्ना बच्चाहरुको बाल बचत खाता खोली रकम जम्मा गर्न निम्न कुराहरु आवश्यक हुन्छन् :

• बाबु/आमाको नागरिकताको प्रमाणपत्रको फोटोकपी १ थान
• नानी/बाबुको जन्म दर्ता प्रमाणपत्रको फोटोकपी १ थान
• नानी/बाबुको र अभिभावकको पासपोर्ट साइजको फोटो २÷२ थान
• अस्थायी बासोबास भए सोको प्रमाण

आफ्नो खाताबाट रकम फिर्ता लिनका लागि घरदैलोमा पुग्ने संस्थाको प्रतिनिधिबाट १ दिनमा रु. २०,००० सम्मको रकम तुरुन्तै र सो भन्दा माथिको रकम झिक्नका लागि संस्थाको काउन्टरबाट नै लिनु पर्नेहुन्छ ।
संस्थाको काउन्टरबाट १ दिनमा एउटा खाताबाट अधिकतम् रु. ९,९९,९९९.०० सम्म मात्र नगद झिक्न सकिनेछ ।

संस्थाको शेयर प्राप्त गर्न संस्थाको मुख्य कार्यालय रानीपौवामा उपस्थित भई कास्की जिल्ला भित्रको स्थायी वा अस्थायी बसोबासको प्रमाण सहित सदस्यता ग्रहण गरी रु. १०,००० को गुणाले हुन आउने रकमको शेयर निवेदन दिनुपर्ने हुन्छ । उक्त निवेदन उपर सञ्चालक समितिले निर्णय गर्नेछ ।

यस संस्थामा सदस्यहरुको हितलाई मध्यनजर गरी सदस्यबाट प्राप्त बचत रकमलाई दैनिक हिसाबमा त्रैमासिक रुपमा व्याज भुक्तानी गरिन्छ ।

यस सहकारीमा कास्की जिल्लाभर बसोबास गर्ने सबैले संस्थाको सदस्यता लिई खाता खोली बचत गर्न सक्नेछन् । यसका लागि संस्थाले उपलब्ध गराएको सदस्यता फारममा आफ्नो विस्तृत विवरण भरी १ कित्ता शेयर खरिद गरी बचत खाता खोल्न सकिनेछ ।